വൃശ്ചികം | രമ്യ മഠത്തില്‍ത്തൊടി

തൊട്ടും തലോടിയും കാറ്റിങ്ങനെ
മുറ്റത്തു വട്ടം തിരിഞ്ഞു നില്‍പ്പൂ.
മഞ്ഞിന്‍ പുതപ്പു വലിച്ചെറിഞ്ഞ്
മിഴിതുറന്നല്ലോ ശംഖുപുഷ്പം.
നെരവന്ന തൂവലു ചിക്കിനോക്കി
കരിയിലക്കിളികളും മരമിറങ്ങി.
ഹൃദയത്തില്‍ വല്ലാത്തൊരാളനക്കം
ഓര്‍മ്മഞരമ്പുകള്‍ പൂത്തുപോയീ
ഇതിലേറെ ഹൃദ്യമായ് നീ ചൊല്ലുമോ
പിന്നെയും വൃശ്ചികം വന്നുവെന്ന് ?

----------©ramyamadathilthodi-------------