വീട് വരയ്ക്കുന്ന കുട്ടി | ബിനു ഇടപ്പാവൂര്‍

E-Delam August 31, 2021

ഏകാന്തതയുടെ അന്ത്യത്തില്‍
ഛായങ്ങള്‍ വാരിയൊഴിച്ചു
കീറിയ കടലാസുകള്‍ കൂട്ടിവെച്ച്
അവനൊരു വീടിന്റെ
അപൂര്‍ണമായ ചിത്രം വരച്ചു.

വാതിലുകള്‍ ഇല്ലാത്ത
ഒറ്റ ജാലകം മാത്രമുള്ള ഒരു വലിയ വീട്.
ആ ജാലകത്തിലൂടെ അവനിന്നും
പുറത്തേക്കു നോക്കി
പ്രകൃതിയെ പഠിക്കുന്നു.

അടുത്ത വീട്ടിലെ കുട്ടികള്‍
മുറ്റത്തെ മണലില്‍
പ്രകൃതിയെ വരച്ചു കൊണ്ടിരുന്നു.
കാറ്റായ്,മഴയായ്,തണുപ്പായ്
പ്രകൃതി അവരോടൊപ്പം
കളിച്ചുകൊണ്ടിരിക്കുന്നു.

------------------------------------------