കുരുക്കാത്ത മൊട്ടുകള്‍ ► രഞ്ജി റീജന്‍

ഉന്മൂകമിതെത്ര പൊള്ളിക്കുന്നു
ഇടനെഞ്ചിലാപാകമനുവദിക്കാതെ
വേവുന്നു രുചിക്കേടുകള്‍ കൊണ്ടൊരു
മലടിയുടെ മനപ്പായസം 
അത്യമ്ലമാം അന്നമോരൊന്നും
എന്നുകൊതിക്കുമെന്നോരോ
രുചിക്കൂട്ടിലും ആപ്തഗര്‍ഭയാം
വേഷമേറെയണിഞ്ഞുമടുപ്പായിട്ടുണ്ട്

ലക്ഷങ്ങളിലെത്ര ബീജങ്ങള്‍
യാത്രമുടക്കിയകുജാതികള്‍
പേറ്റുനോവിന്തോഷമറിയിക്കാതെ 
കണ്ണീരുതിര്‍ത്തരാവെത്രവെളുത്തു 
കിനിയാത്ത കുചതടമെന്നില്‍
അഭിഭാരമായിട്ടേറെയായി
വിരിയാത്തപാത്രമലംഭാവം
വെടിഞ്ഞെന്നില്‍ത്തുടിക്കുമോ

അഷ്ടമാതാക്കള്‍ മുളപ്പിക്കാത്ത
വിത്തു ചുമന്നേറെദൂരമിങ്ങെത്തി
ശ്രാവ്യമന്യമായനാദ മായെങ്ങോ 
പിച്ചക്കാല്‍ത്തളനാദമലയ്ക്കുന്നു
ഒരുപ്രഭാതമിന്നുമെന്മിഴിയില്‍
തെളിനീരുപോലെ തെളിഞ്ഞുനില്‍പ്പൂ
ആപ്രദിവമാം ശ്രുതിപുടത്തിലെന്നും
മോദിക്കാനൊരു വിളി.........അമ്മ.

© Renji Reegan