ഒറ്റയാകുമ്പോള്‍ | മുഹമ്മദ് ആഷിഖ് ആർ.എസ്

ഒറ്റക്കിരിക്കുമ്പോള്‍ ഓര്‍ത്തു വെക്കാന്‍ 

വെറും ഓര്‍മകള്‍ മാത്രമായ് ഓമനിക്കാന്‍

ആരുമില്ലാത്തൊരാ ഏകാന്ത ഭൂമിയില്‍
നിഴലിന്റെ ചന്തവും മാഞ്ഞുപോയി

പത്തിലെ പൂജ്യവും 'വട്ട'മായ് മാറവേ
ഒറ്റയായ്  നിക്കുന്ന'തൊന്ന്' മാത്രം

അറ്റമറിയാതെ വണ്ടു വരക്കുന്ന
വൃത്തത്തിനഗ്രമായ് ജന്മമന്ന്

അറിയുന്നു നാം നമ്മിലറിയാത്തറി-
വുകള്‍,അറിയാനൊത്തിരി ബാക്കിയെന്ന്

ഒറ്റക്കിരിക്കുമ്പോള്‍ ആരുമില്ലെങ്കിലും ഒറ്റയാനെപ്പോല്‍ നമുക്കുമാറാം

ഒത്തിരിപേരവര്‍ ഇന്നെത്രയെങ്കിലും
നാളെയവരൊക്കെയും ഒറ്റയാകും!

-------------©muhammed-ashik-r-s-----------------