ഉയിര്‍പ്പ് ➤ കവിത ➤ അനന്യ മോഹന്‍

ആഴത്തില്‍ നിന്നും ഉയിര്‍ത്തെഴുന്നേറ്റ 

വേരുകള്‍ മണ്ണിനെ തേടുന്നവണ്ണം 

നിന്നിലേക്കടുക്കുവാനായി 

ഞാനെന്റെ കരങ്ങള്‍ നീട്ടി..... 
കണ്ടിട്ടില്ലെന്നവണ്ണം 

നീ നിന്റെ കണ്ണില്‍ നിന്നും 

ആ കാഴ്ചയെ എളുപ്പം മായ്ച്ചു..... 
അകലുവാനായി ഞാന്‍ കൈയയച്ചപ്പോള്‍ 

എന്തെ നീ ക്ഷണത്തില്‍ അതു കണ്ടു.... 
അടുക്കുവാനോ അകലുവാനോ 
ഇനി കരങ്ങള്‍ നീളേണ്ടതില്ല.... 
വിതുമ്പുന്ന ഹൃദയം 
സമാധാനിക്കട്ടെ.... 
ഒരു ദുഃഖമായി അകലമെന്നില്‍ 

ശേഷിക്കട്ടെ...

-------------------------------------------

© Ananya Mohan