ഒറ്റക്കിരിക്കുമ്പോള്‍ മാത്രം | കവിത | നൗഷാദ് താമല്ലാക്കല്‍

ഒറ്റക്കിരിക്കുമ്പോള്‍ മാത്രം
ചുറ്റിത്തിരിയുന്ന കാറ്റ്

ഒറ്റക്കിരിക്കുമ്പോള്‍ മാത്രം
ചുറ്റി വരിയുന്ന തിര

ഒറ്റക്കിരിക്കുമ്പോള്‍ മാത്രം
പറ്റിച്ചേര്‍ന്നിരിക്കുന്ന തീരം

ഒറ്റക്കിരിക്കുമ്പോള്‍ മാത്രം
പറ്റം കൂടുന്ന മഴ

ഒറ്റക്കിരിക്കുമ്പോള്‍ മാത്രം
ഇറ്റിറ്റ് വീഴുന്ന മഞ്ഞ്

ഒറ്റക്കിരിക്കുമ്പോള്‍ മാത്രം
കാറ്റിലുലയുന്ന മരച്ചില്ല

ഒറ്റക്കിരിക്കുമ്പോള്‍ മാത്രം
മുറ്റത്ത് വീഴുന്ന ഇല

ഒറ്റക്കിരിക്കുമ്പോള്‍ മാത്രം
പറ്റിപ്പിടിക്കുന്ന പൂമ്പൊടി

ഒറ്റക്കിരിക്കുമ്പോള്‍ മാത്രം
നീറ്റല്‍ നല്‍കുന്ന വെയില്‍

ഒറ്റക്കിരിക്കുമ്പോള്‍ മാത്രം
വറ്റാതൊഴുകുന്ന പുഴ

ഒറ്റക്കിരിക്കുമ്പോള്‍ മാത്രം
തെറ്റാതെ എത്തുന്ന നിലാവ്

ഒറ്റക്കിരിക്കുമ്പോള്‍ മാത്രം
മാറ്റമില്ലാത്ത നല്ലകാലം

ഒറ്റക്കിരിക്കുമ്പോള്‍ മാത്രം
ഒറ്റു കൊടുക്കാത്ത കവിത.
--------------------------------------------

© noushad thamallakkal