മഴത്താളം | കവിത | ബബിത അത്തോളി

ഓരോ വരമ്പത്തും
മഴപെയ്തു നനഞ്ഞ
കിളിപ്പായാരങ്ങള്‍..

നനഞ്ഞു കുതിര്‍ന്ന
ഓര്‍മ്മയിലേക്കാരോ
ചളിവെള്ളം തട്ടിത്തെറിപ്പിച്ചെന്റെ
പുത്തനുടുപ്പില്‍ വീണതോരോ
തുള്ളിയായ്

കരഞ്ഞുകൊണ്ടോടിയ
ബാല്യം മുറ്റത്തെ
വഴുക്കലില്‍
തെന്നിവീണതൊരോര്‍മ്മ

പൂക്കള്‍ തുന്നിയ
പാട്ടുപാവാടയില്‍
മഴവെള്ളം
ചിത്രം വരച്ചതും

പെയ്തു തോരാതെ
പലനിറത്തില്‍
മഴത്താളമിങ്ങനെ...

---------------------------
© ബബിത അത്തോളി

• രചയിതാവിന്റെ അനുവാദം കൂടാതെ ഇ-ദളം ഓണ്‍ലൈനില്‍ പ്രസിദ്ധീകരിക്കുന്ന രചന മറ്റെവിടെയെങ്കിലും പ്രസിദ്ധീകരിക്കുകയോ, മറ്റാരുടെയെങ്കിലും പേരില്‍  രചനയോ,  രചനയുടെ വരികള്‍ ഓര്‍ഡര്‍ മാറ്റി പ്രസിദ്ധീകരിക്കുകയോ ചെയ്യുന്നവര്‍ക്കെതിരെ നിയമനടപടികള്‍ സ്വീകരിക്കുന്നതായിരിക്കും. 
• ഇ-ദളം ഓണ്‍ലൈനില്‍ പ്രസിദ്ധീകരിക്കുന്ന രചനകളുടെ ആശയവും രചനയുടെ പൂര്‍ണ്ണ ഉത്തരവാദിത്വവും എഴുതിയ ആള്‍ക്ക് തന്നെയാണ്.
• ഇ-ദളം ഓണ്‍ലൈനില്‍ രചനകള്‍ക്ക് താഴെ രേഖപ്പെടുത്തുന്ന കമന്റുകള്‍ ഇന്ത്യന്‍ സൈബര്‍ നിയമത്തിന് വിരുദ്ധമായാല്‍ അതിന്മേലുള്ള നിയമനടപടികള്‍ നേരിടേണ്ടത് അത്തരം കമന്റുകള്‍ ഇടുന്നവര്‍ മാത്രമായിരിക്കും. 

Adv. Manu Mohan Charummoodu (Legal Advisor, E-Delam Online)