പിറകിലേക്കോടുന്ന ഓര്‍മ്മകള്‍ക്കൊടുക്കം
ബാല്യം മുതലിങ്ങോളമിന്നീ ഇരുട്ടിന്‍ കൂട്ടുവരേ
സംരക്ഷണത്തില്‍ നിന്നുമീ ഒഴിവാക്കലുകള്‍ വരേ
നിറയും കളികോപ്പിനാല്‍ വര്‍ണ്ണങ്ങളൊഴുകുന്ന
നാല്‍ചുവരുകള്‍ക്കുള്ളിലായ് ബാല്യം സമ്മാനിച്ച്
കൗതുകമേറേ വിരിയുന്നൊരാ കുഞ്ഞിന്‍ മാനസം
അരികിലാക്കി അതിരറ്റ വാത്സല്യസ്‌നേഹത്താല്‍
പൊട്ടിത്തെറിക്കുന്ന കൗമാരക്കാലത്തിനറ്റം വരേ
കാമമൊഴുകുന്ന മിഴികളില്‍ പറ്റാതെ കാത്തിടാന്‍
വേഷത്തിലും ഭാവത്തിലും പെരുമാറ്റച്ചട്ടത്തിലും
അതിരുകളേറെ തീര്‍ത്തവര്‍ നഷ്ടഭയത്തിനാല്‍
പിറന്നിടം വിട്ട് യൗവ്വനപ്പടവുകളോടിക്കയറുമ്പോള്‍
ഒരുനുള്ള് പൊന്നിനാല്‍ അന്യരായവരവകാശിയായ്
കരിപ്പിടിച്ച നാല്‍ച്ചുവരിനിപ്പുറം രുചികൂട്ടുമായ്
പ്രിയമായവരാലതിരുകളായി പിന്നെയുമൊരുപാട്
ഇടറിവീഴും വാര്‍ദ്ധക്യ പാതയില്‍ ശോഷിച്ച കാലും
നരവീണമുടികളും മറവീണമിഴികളും ഭാരമായ് മാറി
വിറക്കുന്ന കൈകളേ നോക്കുംവ്വെറുപ്പാലെ മക്കളും
അഭിമാനനഷ്ടത്തെ ചൊല്ലിയേറേ അതിരുകല്പിച്ചു
ഭിക്ഷത്തന്നൂ വൃദ്ധസദനത്തിനിരുണ്ട ചുവരുകള്‍
വ്യഥവേണ്ട തെല്ലുമേ കൂട്ടിനുണ്ട് സമപ്രായമായവര്‍
പുണ്യചെയ്തിപോല്‍ മൊഴിയവേ അറിയാതെപോയ്
സ്‌നേഹത്താങ്ങിനായേറെ കൊതിക്കുന്ന മാനസം
ജീവിച്ചിരിക്കേ ആത്മാവകന്നുപോയാ വാക്കിനാല്‍
ഭാഗ്യമെന്ന് നിനച്ചമക്കളും മനസിലെന്നും വിങ്ങലായ്.
------------©shabna-aboobakkar---------------
0 Comments