മാഷ് | സുധീര്‍ കട്ടച്ചിറ

                                                                                                                                                                                                                                       

സ്പന്ദനങ്ങള്‍

കത്തിയെരിയുന്ന മാത്രയ്ക്കിപ്പുറം

നീല തടയണ.

ഹൃദയ കവാടതയ്ക്കന്യത

നിറതെയ്യമാടും നേരത്ത്

വെളിച്ച പൂക്കുട നിവര്‍ത്തുന്ന

പച്ചമരം.

കിനാവുകള്‍ തീനാമ്പുകള്‍ പോല്‍ 

കാല്‍ക്കല്‍ വെയ്ക്കുന്നത്

മാഷിന്റെ 

രക്തവേഗ -

കുഴലുകളിലെ

നന്മയുടെ വയലറ്റ് പൂക്കള്‍

കണ്ടുകൊണ്ടാണ്.

പച്ചവെളിച്ചത്തില്‍

നേരിന്റെ രൂപമാത്രയ്ക്കപ്പുറം

കരിമഷി രൂപമുണ്ടെന്ന്,

സ്റ്റെതസ്‌കോപ്പിനും 

സ്വകയറുകള്‍ക്കുമപ്പുറം

വഴിതിരിഞ്ഞു നില്‍ക്കും 

പുഴയുണ്ടെന്ന്,

അറിവിനുമേറെയപ്പുറം

മാഷെന്നറിയുന്നത്

അന്ത്യയാമത്തിലെ

സ്വപ്ന 

യാഥാര്‍ത്ഥ്യങ്ങള്‍ക്കേറെ_

യകലെയാണെന്നത്,

കത്തിച്ചെറിഞ്ഞത്

ഇത്രകാലമൊഴുകിയ

ട്രക്കുകളുടെ

സ്പന്ദനങ്ങളെയാണെന്നത് ,

ഇനിയും,

പകര്‍ച്ചതേടിയയക്ഷര-

വ്യതിയാനങ്ങള്‍ക്ക് കൂട്ടുവരാനുള്ളത്

മുഖംമൂടികളെന്നുറക്കെ 

പറയാന്‍

വ്യഗ്രത വിതച്ചു നില്‍ക്കുന്നു

മാന്തളിരുകളില്‍.

(നന്മ നിറഞ്ഞ പ്രിയ അധ്യാപക സുഹൃത്തുക്കള്‍ ക്ഷമിക്കുക)