IFFK മൂന്നാം ദിനം ടാഗോര് തിയറ്ററിലെ ഒന്നാം ഷോ 'യെന് ആന്ഡ് ഐ-ലീ' കണ്ടു. മലയാളിയായ കാര്ത്തിക് വിജയ് ആണ് DOP നിര്വഹിച്ചത് എന്ന പ്രത്യേകത കൂടി ഇതിനുണ്ട്. തായ്വാനീസ് സംവിധായകന് ടോം ലിന് ഷു-യുവിന്റെ സംവിധാനത്തില് 2024-ല് പുറത്തിറങ്ങിയ ഒരു ബ്ലാക്ക് ആന്ഡ് വൈറ്റ് ഡ്രാമ ചിത്രമാണ് ഇത്. ഒരു അമ്മയും മകളും തമ്മിലുള്ള സങ്കീര്ണ്ണമായ ബന്ധം, കുടുംബത്തിലുണ്ടായ മാനസികാഘാതം, പുരുഷാധിപത്യ സമൂഹമേല്പ്പിക്കുന്ന മുറിവുകള്, അതില് നിന്നുള്ള മോചനത്തിനായുള്ള പോരാട്ടം എന്നിവയാണ് ചിത്രം പ്രധാനമായും ചര്ച്ച ചെയ്യുന്നത്.
കുടുംബത്തിലുണ്ടായ ദുരന്തങ്ങളെത്തുടര്ന്ന് വേര്പിരിഞ്ഞ യെന് (അമ്മ), ഐ-ലീ (മകള്) എന്നിവര് വര്ഷങ്ങള്ക്ക് ശേഷം വീണ്ടും ഒന്നിക്കുന്നതും, തങ്ങളുടെ വേദനിപ്പിക്കുന്ന ഭൂതകാലത്തെ അഭിമുഖീകരിക്കുന്നതുമാണ് സിനിമയുടെ ഇതിവൃത്തം. തായ്വാനിലെ മെയ്നോങ് എന്ന സ്ഥലമാണ് പ്രധാന കഥാപശ്ചാത്തലം.
സിനിമയിലെ ചില സങ്കീര്ണ്ണമായ ആഖ്യാനരീതികളെ, ഉദാഹരണത്തിന് യെന്നിന്റെ അപരയെ കാണിക്കുന്ന രംഗങ്ങള്ക്ക് വേണ്ടത്ര തീവ്രത ലഭിച്ചിട്ടില്ല എന്നും ഇത് അനാവശ്യമായ കൂട്ടിച്ചേര്ക്കലായി എന്നും അനുഭവപ്പെട്ടു.
കുടുംബ ബന്ധങ്ങളുടെയും മാനസികാഘാതങ്ങളുടെയും അതിജീവനത്തിന്റെയും കഥ പറയുന്ന ശക്തമായ ഒരു ചലച്ചിത്രം തന്നെയാണ് ഇത്.
© ഏ.വി.സന്തോഷ് കുമാര്
0 Comments