പെണ്ണിനുമാത്രം പറയാനാവുന്നത് | ശ്രീനന്ദിനി സജീവ്

നീണ്ടു പോകുന്ന വേദനയതിൽ

പാതിയോർത്താൽ

നിനക്കുള്ളതാകയാൽ

നാമിരുപേർ വിശുദ്ധരാകുന്നൊരാ -
നേരമാരോമലുണ്ണി പിറന്നു പോയ്‌...
ജീവനിൽ നിന്നു ജീവൻ
പിരിഞ്ഞൊരാ പ്രാണനിൽ
പ്രാണ സഞ്ചാരവേദന...

നൂറു  നാഡീഞരമ്പുകളൊ - ന്നിച്ചു 
കാറു പേമാരി പെയ്തൊഴിഞ്ഞീടുന്നു.

'അമ്മേ'എന്നുടൽ പൊട്ടിപ്പിളരുന്ന പേറ്റു നോവിന്ന-

നന്തതക്കർത്ഥമായ്

കുഞ്ഞുറക്കെക്കരയുകയാണൊരു വെള്ള മാലാഖ

വന്നെൻ കരം പിടിച്ചുണ്ണിയെ

പ്പാൽ കുടിപ്പിച്ചു

സർവ്വതും മാഞ്ഞു പോയ് അമ്മ മാത്രമായാ-

ക്കുഞ്ഞു മേനിയിൽച്ചെറു

മുത്തം കൊടുത്തു  പോയ് 

'അമ്മയെ കാട്ടിത്തരു'എന്റെ

അമ്മയാണെന്നൊരാധിയിലാകാംക്ഷ, വന്നു വാതിൽക്ക-

ലാദ്യം പിറന്നവൻ,

മന്ദഹാസം പൊഴിച്ചു

'ഞാനേട്ടനായ്'...

സർവ്വ ശക്തയായ് നിന്നു നീ

ഇന്നിന്റെ പൊൻദളങ്ങളിൽ

സംഗീതമാവുക...

'പെണ്ണ്  പെണ്ണെ 'ന്നടുക്കുന്ന

വാളിന്റെ തുമ്പിനാലൊരു

ലോകം ചമക്കുക.

------------------------

© sreenandhini sajeev