മഴ | കവിത | ശിവന്‍ തലപ്പുലത്ത്

മഴ ചിലപ്പോള്‍ അങ്ങിനയാണ്
ആര്‍ത്തലച്ചു കടന്നു വരും
സങ്കടത്താല്‍
കെട്ടിപിടിച്ച്
അലമുറയിട്ട് കടന്നുപോകും
എല്ലാവരും കുളിച്ചു വിശുദ്ധി 

വരുത്തി എന്നുറപ്പാക്കും
ചിലപ്പോള്‍ മുഖം കറുപ്പിച്ച് 

പൊട്ടാറായ മണ്‍ ചിറപോലിങ്ങനെ
കറുത്ത് തുടുത്ത്
കാത്തിരിക്കും
അന്നേരം നമുക്കെല്ലാര്‍വര്‍ക്കും
മൂന്ന് നേരം അതാഴമായിരിക്കും
എന്താ ഈ മഴയുടെ മുഖത്തൊരു 

സന്തോഷവുമില്ലല്ലോ എന്ന് മൂന്നും 

കൂട്ടി മുറുക്കി തുപ്പി ഉമ്മറ കോലായില്‍ 

കാലും നീട്ടിയിരുന്നു അമ്മൂമ്മ ചോദിക്കും 
നേരം ഇരുട്ടായിട്ടും ഉറങ്ങറായില്ലേ 

എന്ന് ചീവീട് കുശലം ചോദിക്കും
മൊത്തം ഇരുട്ടായവര്‍ക്ക് വെളിച്ചം വീശി
അന്നേരം മിന്നാമിനുങ്ങു വരുന്നുണ്ടായിരിക്കും.

--------------------------

© sivan thalappuath