താമരക്കുളം: ആലപ്പുഴ താമരക്കുളം ഗ്രാമപഞ്ചായത്തിലെ പേരൂര്കാരാഴ്മ നാലാം വാര്ഡിലെ സിസിടിവികള് വാര്ത്തകളില് ഇടംനേടിക്കൊണ്ടിരിക്കുമ്പോള് രാഷ്ട്രീയ വ്യത്യാസം മറന്ന് വാര്ഡ് മെമ്പറിന് പ്രശംസയും പിന്തുണയുമായി മറ്റൊരു രാഷ്ട്രീയ സഖ്യത്തിലെ നേതാവും താമരക്കുളം വിവിഎച്ച്എസ്എസ് പിടിഎ പ്രസിഡന്റുമായ എം.എസ്.സലാമത്തിന്റെ ഫെയ്സ് ബുക്ക് പോസ്റ്റ് ശ്രദ്ധേയമായി മാറുന്നു.
 |
| സിസിടിവി ക്യാമറാകളുടെ സ്വിച്ച് ഓണ് കര്മ്മം ആര്.രാജേഷ് എംഎല്എ നിര്വ്വഹിക്കുന്നു. താമരക്കുളം പഞ്ചായത്ത് പ്രസിഡന്റ് വി.ഗീത, വാര്ഡ് മെമ്പര് ഫിലിപ്പ് ഉമ്മന്, മറ്റ് പഞ്ചായത്തംഗങ്ങള് തുടങ്ങിയവര് സമീപം. |
പ്രീയ ഷാജിച്ചാ പഞ്ചായത്ത് അംഗം എന്ന നിലയില് അങ്ങ് മുന്കയ്യെടുത്ത് പ്രവര്ത്തികമാക്കിയ ഉദ്യമത്തെ അതിരറ്റ സന്തോഷത്തോടെ അഭിനന്ദിക്കുന്നു, 75000 രൂപയിലേറെ മുതല് മുടക്കി ജനപങ്കാളിത്തത്തോടെ VVHSS - പാലത്തടം റോഡിനിടയിലെ മാലിന്യകൂമ്പാരംകൊണ്ട് തടസപ്പെട്ടിരുന്ന ഭയാനകമായ സാഹചര്യത്തെ ഒപ്പം സകല അനാശ്യാസ വാണീഭക്കാരും ഇടത്താവളമായി ഉപയോഗിച്ചിരുന്ന ഈ ഇടത്തെ 8 ന്യൂതന നിരിക്ഷണ ക്യാമറയുടെ നിയന്ത്രണത്തിലാക്കി സുരക്ഷിതമാക്കിയ അങ്ങയ്ക്ക് VVHSS (താമരകുളം) ന്റെ PTA പ്രസിഡന്റ് എന്ന നിലയിലും ഈ പ്രദേശവാസി എന്ന നിലയിലും ഒരു ബിഗ് സല്യൂട്ട് , നന്മ ചെയ്യുന്ന മനസ്സിനെ കാണാതെ പോകരുത് എന്ന ചിന്തയാണ് എന്നെ ഇതെഴുതാന് പ്രേരിപ്പിച്ചത് കാരണം ഇതിന്റെ പിന്നില് ഒരു പാട് പരിശ്രമമുണ്ട് എന്ന് എനിക്കറിയാം അങ്ങ് കാട്ടിയ ഈ സൂഷ്മത നമ്മുടെ കുഞ്ഞുമക്കളുടെ സുരക്ഷിതത്വമാണ് ഉറപ്പാക്കിയത് , എല്ലാ വിതഭാവുകങ്ങളും നേരുന്നു.
സസ്നേഹം,
MS സലാമത്ത്.
ജനകീയ പ്രശ്നങ്ങള് ഏറ്റെടുത്ത് ജനഹിതത്തിനനുസരിച്ച് പ്രവര്ത്തിക്കുന്ന നല്ല ജനപ്രതിനിധികളെ രാഷ്ട്രീയത്തിന്റെ മറയില്ലാതെ പ്രോത്സാഹിപ്പിക്കേണ്ടത് ഒരു നാടിന്റെ വികസനത്തിന് ആവശ്യമാണെന്ന പാഠം എം.എസ്.സലാമത്തിന്റെ പോസ്റ്റ് സമൂഹത്തിന് നല്കുന്നതായി നിരീക്ഷകര് പറയുന്നു.
വിഷ്ണു
ഇ-ദളം വാര്ത്ത
0 Comments