കരിമ്പുതപ്പുകൊണ്ടു
മൂടിയത്,ഓര്‍മ്മകള്‍
തന്‍ ചിതല്‍പ്പുറ്റായിരുന്നു.
അവയില്‍,
ശില പോലെ കറുത്തിരുണ്ട
ചിലത് ചിതലരിക്കാതെ
ബാക്കിയുണ്ട്...
ഇനിയും
വലിച്ചെറിയപ്പെടാത്ത
നൊമ്പരങ്ങളില്‍ ചിലത്
നെഞ്ചിനോടു പറ്റി -
ച്ചേര്‍ന്നിരിപ്പുണ്ട് .
ചുട്ടുപൊള്ളുന്ന വെയിലു
പോലെ ചിലത് ചൂടേറ്റ്'
ഉരുകി വിയര്‍ക്കുന്നുണ്ട്.
കാഴ്ചകളുടെ കാണാ-
പ്പുറങ്ങള്‍ തേടി ചിലവ
കരിയില പോലെ
പാറി നടക്കുന്നുണ്ട്.
വാനിലുയര്‍ന്നുപറക്കും
വര്‍ണ്ണപട്ടം പോലെ
ചിലത് പ്രതീക്ഷ തന്‍
മഴവില്ലുതേടി ഉയരുന്നുമുണ്ട്.
Tags
കവിത