അവസ്ഥ | ഹരിദാസ് പല്ലാരിമംഗലം

ഒറ്റയ്ക്കൊരുനാള്‍ വീട്ടിലിരിക്കെ 

എന്നുടെ മുന്നില്‍ 'ദൈവം ' വന്നു 

എന്നുടെ രൂപം കണ്ടിട്ടാവാം 

ആശ്രയമതുവഴി നല്കുകയാവാം. 

അരികെയണഞ്ഞിട്ടെന്നുടെ മേനി 

നെഞ്ചോടു ചേര്‍ത്തിട്ടരുളി ചെയ്തു 

പറയുക മോനേ നിന്നുടെ ദുഃഖം 

അലകള്‍ കണക്കെ എന്നുടെ ദുഃഖം 

ഒന്നൊന്നായി ഞാനറിയിച്ചു !

അതു കേട്ടിട്ടാ ദൈവം തന്നുടെ 

മേനി തളര്‍ന്നു, നാവു വരണ്ടു 

രൂപം മാറി, ഭാവം മാറി 

ദൈവം തന്നുടെ കണ്ണുകള്‍ തള്ളി !

മതി മതി നിര്‍ത്തുക നിന്നുടെ കഥനം 

വണ്ടിക്കൂലിയ്‌ക്കെവിടെ ചെല്ലും....? 

•