നിനവില്‍ നിത്യം നിങ്ങള്‍ കാണുന്നില്ലേ
കാവ്യസൗന്ദര്യത്തെ, നിര്‍മ്മമസ്‌നേഹത്തിന്‍ സംസ്‌കാരത്തെ,
ചാന്ദ്രശോഭയാണതിനെന്നും ജാതിക്കോമരങ്ങള്‍ കൈവിലങ്ങണിയിച്ച കാലത്തിന്‍ കൈപ്പുനീരില്‍ മുങ്ങിത്താണടിഞ്ഞപ്പോള്‍ മാനവനുണര്‍ന്നീടാന്‍ ചെമ്പട്ടു വിരിച്ചില്ലേ സര്‍ഗ്ഗശക്തിയാല്‍ പുത്തന്‍ അശ്വമേധം-
ചന്ദ്രകളഭം ചാര്‍ത്തിയുറങ്ങും തീരംഇന്ദ്രധനുസിന് തൂവല്‍ കൊഴിയും തീരം...
ഈ മനോഹര തീരത്തു തരുമോ ഇനിയൊരു ജന്മം കൂടി ...
കിട്ടിയജന്മം എങ്ങനെയെങ്കിലും അവസാനിച്ചാല്‍ മതി എന്ന് ആഗ്രഹിക്കുന്നവര്‍ക്കിടയില്‍ ഈ മനോഹാരതീരത്തു ഒരു ജന്മം കൂടി കൊതിക്കുന്ന അനശ്വരകവി വയലാര്‍ രാമവര്‍മയുടെ സ്മൃതിദിനമാണ് ഇന്ന്. ആ അനശ്വര കവിയ്ക്ക് എന്റെ ആത്മ പ്രണാമം.
വയലാറിന്റെ വിപ്‌ളവ മണ്ണിന്റെ ഊര്‍ജം തന്റെ തൂലികയില്‍ വെടിമരുന്നായി നിറച്ച് ജനഹൃദയങ്ങളിലേക്ക് പാട്ടുകളായും കവിതകളായും നിറയൊഴിച്ച വിപ്ലവകാരി.
(1928 - 75 ) എന്ന ഹൃസ്വമായ ബ്രാക്കറ്റിനകത്ത് നിന്നുകൊണ്ട് നൈസര്‍ഗികമായ സര്‍ഗ ഭാവത്തിലൂടെ ഗാനകൈരളിയെ ത്രസിപ്പിക്കാന്‍ മറ്റാരെക്കാളും വയലാറിന് സാധിച്ചിരുന്നു.
മലയാള ചലചിത്ര - നാടക ഗാനലോകത്തിന് പകര്‍ന്നത് സംഗീത ചാരുതയുടെ ചരിത്രമാണ്. മലയാളിയുടെ മതേതര ഭാവം രൂപപ്പെടുത്തിയതില്‍ വയലാറിന്റെ ഗാന മനസ്സിന് വലിയ പങ്കുണ്ട്
വയലാര്‍ വരികളിലൂടെ...
'മനുഷ്യന്‍ മതങ്ങളെ സൃഷ്ടിച്ചുമതങ്ങള് ദൈവങ്ങളെ സൃഷ്ടിച്ചു
മനുഷ്യനും മതങ്ങളും ദൈവങ്ങളും കൂടി
മണ്ണ് പങ്കു വെച്ചു
ഇസ്ലാമല്ല ക്രിസ്ത്യാനിയല്ല
ഇന്നത്തെ രാഷ്ട്രീയ സാമൂഹിക ചുറ്റുപാടില്‍ ഏറെ പരുക്കേല്‍ക്കേണ്ടിവരുമായിരുന്നു ഈ ഉള്ളുലക്കുന്ന വരികള്‍.
പ്രണയമെന്നത് കവിയുടെ ഹൃദയ സ്പന്ദനമായിരുന്നെന്ന് ബോധ്യപ്പെടുത്തുന്ന വരികള്‍ മലയാളിക്ക്
കിട്ടിയതും പ്രേമത്തെ കവിതകള്‍ക്കൊണ്ട് നിര്‍വ്വചിക്കാനായതും വയലാറിന്റെ പുണ്യമാണ്.
ഇനിയുണരൂ ഇവിടെ വരൂ
പുഷ്പപാദുകം പുറത്തു വെയ്ക്കു നീ
കണ്വ തപോവന കന്യകേ...
വേളിപെണ്ണെ
സന്യാസിനീ നിന്‍ പുണ്യാശ്രമത്തില്‍ ഞാന്‍...
പ്രണയ ലേഖനം എങ്ങിനെയെഴുതണം
1 Comments
മികച്ച അവതരണം
ReplyDelete