സോഷ്യല്‍ മീഡിയയില്‍ നിറസാന്നിദ്ധ്യമായിരുന്നു സുഷമ സ്വരാജ്. രാത്രി 7.23ന് കാശ്മീരിനെ വിഭജിച്ച തീരുമാനത്തില്‍ പ്രധാനമന്ത്രി നരേന്ദ്രമോദിയെ അഭിനന്ദിച്ച് ട്വീറ്റ് ചെയ്തിരുന്നു. ഇതാണ് സുഷമയുടെ അവസാനത്തെ ട്വീറ്റ്.
ഹരിയാനയിലെ അംബാല കന്റോണ്‍മെന്റില്‍ 1952 ഫെബ്രുവരി 14ന് ആയിരുന്നു സുഷമ സ്വരാജിന്റെ ജനനം. വിദ്യാര്‍ത്ഥി രാഷ്ട്രീയത്തോടെയാണ് പൊതുരംഗത്തെത്തിയത്. അടിയന്തരാവസ്ഥയ്‌ക്കെതിരെയുള്ള പ്രക്ഷോഭത്തില്‍ പങ്കെടുത്തിട്ടുണ്ട്. 1977ല്‍ ഹരിയാന നിയമസഭയിലെത്തി ഏറ്റവും പ്രായം കുറഞ്ഞ മന്ത്രിയായി. അന്ന് തൊഴില്‍ മന്ത്രിയായി സത്യപ്രതിജ്ഞ ചെയ്യുമ്പോള്‍ സുഷമ സ്വരാജിന് പ്രായം 25. ഡല്‍ഹിയിലെ ആദ്യ വനിതാ മുഖ്യമന്ത്രിയും സുഷമസ്വരാജാണ്.
ഭര്‍ത്താവ്: സ്വരാജ് കൗശാല്‍
ഏകമകള്‍: ബാന്‍സുരി സ്വരാജ്
0 Comments