നീയെനിക്കാരായിരുന്നു | സുഗുണാ രാജൻ പയ്യന്നൂർ

Suguna Rajan Payyannur

നീയെനിക്കാരായിരുന്നൂ ......
ഋതുഭേദങ്ങളിൽ
മിഴിക്കോണിലെരിയുന്ന പകലിൽ പൂവിടും വേനലിൽ
ചിരിതൂകും മന്ദാരമായിരുന്നൂ....

നീയെനിക്കാരായിരുന്നൂ.....
ശ്രാവണം പെയ്യുമ്പോൾ
പ്രണയമായ് അരികിൽ വന്നൊരു  പല്ലവി മൂളുന്നൊ-
രനുരാഗ തംബുരുവായിരുന്നൂ...........

നീയെനിക്കാരായിരുന്നൂ ...........
സാഗരത്തിര പോലെ
കരളിൽ തുടിക്കുന്ന വിരഹത്തിൻ നനവാർന്ന
നീലക്കുറിഞ്ഞിപ്പൂവായിരുന്നൂ..................

നീയെനിക്കാരായിരുന്നൂ...............
രാമഴ പൊഴിയുന്നൊരേകാന്ത
സ്വപ്നത്തിലുന്മാദ  ഗന്ധമായ് വിരിയാൻ കൊതിക്കും
നിശാഗന്ധി മൊട്ടായിരുന്നു...............

നീയെനിക്കാരായിരുന്നൂ...........
ഹൃദയത്തിനാഴത്തിൽ
വേരുകളാഴ്ത്തിയും മിടിപ്പായ് പിടച്ചും
നിണമൊഴുകുമൊരു  ശോണസൂനമായിരുന്നു നീ....
_______________________________
സുഗുണാ രാജൻ പയ്യന്നൂർ