നിനക്കായി | രേണുക ലാൽ

Renuka Lal

കോടമഞ്ഞു മൂടിയാ 

നിറമുള്ള സന്ധ്യയിൽ 

അറിയാതെ നാം തമ്മിൽ 

ഒന്നു  ചേർന്നു 

നിൻ കരളുകൊണ്ടെൻ 

കരം മെല്ലെ തടവി യെൻ 

ഹൃത്തിലേക്കു അന്ന് നീ 

ആഴ്ന്ന്  ഇറങ്ങി 

പറയാതെ എന്നോട് 

പലവുരു ചൊല്ലിയാ

ഹൃദയ മന്ത്ര പൊരുൾ 

ഞാൻ അറിഞ്ഞു 

എൻ സീമന്ത രേഖയിൽ 

ചാർത്തുവാൻ ആയങ്ങു 

ഒരു നുള്ള് കുങ്കുമം 

നീ  കരുതി 

അനുഭൂതി സാന്ദ്രമാം 

നിമിഷത്തിലന്ന്  ഞാൻ

എന്നെ മറന്നങ്ങു 

നിന്നിൽ ആയി 

ഒരു സൂര്യ കിരണമായി 

എന്നിൽ ലയിക്കുമോ 

ഇനിയുള്ളോരീ ജന്മം 

പുണ്യം ആകാൻ. 

__________________________________________