സത്യപ്രസ്താവനയില്‍ കൃത്യമായി ഗുണഭോക്താവിന്റെ ബാങ്ക് അക്കൗണ്ട് നമ്പരും ആധാര്‍കാര്‍ഡ് നമ്പരും പൂരിപ്പിക്കേണ്ടതുണ്ട്. കാരണം കൃത്യമായി യഥാര്‍ത്ഥ ഗുണഭോക്താവിന് തന്നെയാണോ തുക ലഭിച്ചതെന്ന് മനസ്സിലാക്കുവാനും തുടര്‍ന്ന് എന്തെങ്കിലും ധനസഹായങ്ങള്‍ ലഭിക്കുകയാണെങ്കില്‍ അത് ബാങ്ക് അക്കൗണ്ടിലേക്ക് നേരിട്ട് എത്തുന്നതിനും സര്‍ക്കാരിന് സഹായകമാകും.
ബി പി എല്‍ അന്ത്യോദയ റേഷന്‍ കാര്‍ഡുടമകളുടെ പട്ടിക സാമൂഹ്യ ക്ഷേമ പെന്‍ഷന്‍ /ക്ഷേമ നിധി പെന്‍ഷന്‍ വാങ്ങുന്നവരുടെ പട്ടികയുമായി ആധാര്‍ നമ്പര്‍ അടിസ്ഥാനത്തില്‍ ഒത്തു നോക്കി പെന്‍ഷന്‍ വാങ്ങാത്തവരെ കണ്ടു പിടിക്കുകയാണ് ചെയ്തത്. ഇതിനു വേണ്ട സാങ്കേതിക സഹായം കേന്ദ്ര സര്‍ക്കാരിന് കീഴിലുള്ള നാഷണല്‍ ഇന്‍ഫോര്മാറ്റിക്സ് സെന്റര്‍ കേരളം, സംസ്ഥാന സര്‍ക്കാരിന്റെ ഐഐടിഎംകെ എന്നീ സ്ഥാപനങ്ങള്‍ ചെയ്തത്. അര്‍ഹരെ കണ്ടെത്തിയത് റേഷന്‍കാര്‍ഡ് വിവരങ്ങളുടെ അടിസ്ഥാനത്തില്‍ ആയതിനാല്‍ റേഷന്‍കാര്‍ഡ് ഇല്ലാത്തവര്‍ ഈ പദ്ധതിയുടെ പരിതിയില്‍ വരികയില്ല. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുമാണ് ഇതിനാവശ്യമായ തുക കണ്ടെത്തിയിരിക്കുന്നത്.
0 Comments