കുറച്ചു ദിവസം മുന്‍പ് തെറ്റായ വിവരങ്ങള്‍ വിളിച്ചു പറഞ്ഞു എന്നും പറഞ്ഞു ആരെയൊക്കെയോ അറസ്റ്റ് ചെയ്തു എന്നറിഞ്ഞു നല്ല കാര്യം. എങ്കില്‍ പിന്നെ തലമൂത്തു പോയ ആ വേലിയാപ്പീസറെയും ലോക്സഭയിലേക്ക് കടത്തി വിട്ട ജനപ്രധിനിധിയെയും കൂടെ എന്തേലും കാണിച്ചു വിരട്ടികൂടെ ? അല്ലെങ്കില്‍ കൊറോണ കാലത്തും ഒരു പ്രത്യേക മത വിഭാഗത്തിനെ പീഡിപ്പിക്കുന്നു എന്നു വിലപിക്കുന്ന മഹിളാ രത്നത്തിന് വേണ്ടുന്ന ചികിത്സ എങ്കിലും കൊടുത്തു കൂടെ സാര്‍ ? തിങ്കളാഴ്ച പിറന്നത് നന്മ മരത്തിന്റെ ചുവട്ടില്‍ ആസിഡ് ഒഴിച്ചു എന്നും പറഞ്ഞായിരുന്നു. കൊറോണ കട്ടനും കുടിച്ചു ഇനി എങ്ങോട്ട് എന്നു ആലോചിച്ചിരിക്കുന്ന വിമാനത്താവളത്തിലേക്ക് കൊച്ചിനേം ഒക്കത്തു എടുത്തു കൊണ്ട് വന്ന ചിലരെ കണ്ടു. മനസ്സില്‍ നന്മ ഉണ്ടെങ്കില്‍ കോറോണയ്ക്കു നാടുവിലങ്ങും എന്നു പറഞ്ഞ നന്മ മരത്തിന്റെ ചുവട്ടില്‍ വളം ഇടാന്‍ പോയവരായിരിക്കും. തൊട്ടതിനും തൊടാത്തതിനും കേസ് എടുക്കുന്ന വനിതാ കമ്മീഷന്‍ ഈ മുളക്കരച്ചു കണ്ണെഴുതിയതിനെതിരെ മിണ്ടി എന്നോ കോക്രി കാണിച്ചു എന്നോ പത്രത്തില്‍ കണ്ടില്ല, ഇനി ചിലപ്പോ അഭിനയം ആണോ ? എന്താണേലും പരദൂഷണ വീട് പൂട്ടി. നന്മ മരവും അതു വെട്ടാന്‍ നില്‍ക്കുന്ന ഫാന്‍സും പുറത്തിറങ്ങാതിരിക്കുന്നതാണ് നല്ലത്, ഇറങ്ങിയാല്‍ ഈ കാലാവസ്ഥയില്‍ ചിലപ്പോ റേഷന്‍ കാര്‍ഡില്‍ നിന്നും പേര് വെട്ടേണ്ടി വരും.
 |
| Design: Antony PJ, Alappuzha |
ജനതാ കര്‍ഫ്യു വിജയിപ്പിക്കണം എന്നു പ്രധാനമന്ത്രി. ശെരി എന്നു മുഖ്യമന്ത്രി. പാത്രം കൊട്ട് ആഘോഷമാക്കി സോഷ്യല്‍ മീഡിയ. കോറോണയെ ഓടിക്കേണ്ട, അങ്ങനെ ഓടിക്കാം എന്നു പുള്ളിക്കാരന്‍ പറഞ്ഞിട്ടും ഇല്ല ഞായറാഴ്ച എങ്കിലും പുറത്തിറങ്ങാതിരുന്നാല്‍ അവധി ദിവസം ആയിട്ട് പിടിക്കേണ്ടുന്ന കൊറോണ കുറച്ചു കുറയും. ന്യായമായ ഒരു കാര്യം അല്ലെ അതു? ഞായറാഴ്ചകളില്‍ മീന്‍ മേടിക്കാന്‍ ചന്തയില്‍ പോയിട്ടുണ്ടോ ? ഇല്ലേ ? പോട്ടെ പൊട്ടന്‍ പൂരം കാണുമ്പോലെ മാളില്‍ ചുറ്റി തിരിഞ്ഞിട്ടുണ്ടോ ? ഞായറാഴ്ച ഈ തിരക്ക് ഒഴിവാക്കിയാല്‍ പുതിയ കേസുകള്‍ കുറയും എന്നൊന്നും പറയുന്നില്ല പക്ഷെ കുറയാന്‍ ഉള്ള സാധ്യത, അതു ഇല്ല എന്നു പറയരുത് . ഇതില്‍ രാഷ്ട്രീയം നോക്കി ഇരുന്നാല്‍ അതിനെ സമയം കാണു. ഭാരതം എന്റെ രാജ്യമാണ് എന്നു സ്‌കൂളില്‍ വെച്ചു പറയാത്തവര്‍ കുറവായിരിക്കും, ഇതു സങ്കികള്‍ക്കോ കമ്മികള്‍ക്കോ സുഡാപ്പികള്‍ക്കോ അല്ലേല്‍ കൊങ്ങി കള്‍ക്കോ വേണ്ടി അല്ല, നമ്മുടെ ഇന്ത്യയ്ക്ക് വേണ്ടി ആണ്.
എന്തൊക്കെ ആണേലും സ്വര്‍ണത്തിനു വില കുറച്ചു എന്നു കേട്ട് മേടിക്കാന്‍ ഓടിവന്നവരോട് അക്ഷയ ത്രിതീയയുടെ മാഹാത്മ്യം പറയാന്‍ മറന്നില്ല സ്വര്‍ണ്ണ കടക്കാര്‍. കച്ചവടം ആയാല്‍ ഇങ്ങനെ ആവണം. സ്വര്‍ണത്തിന്റെ വില ഇനിയും കുറഞ്ഞേക്കാം അന്നും ഉടുത്തൊരുങ്ങി ശീതികരിച്ച കടകളില്‍ കയറി വെള്ളവും കുടിച്ചു അടുത്ത കൊല്ലം നടന്നേക്കാവുന്ന അല്ലെങ്കില്‍ കുറെ വര്‍ഷത്തിന് ശേഷം നടക്കാവുന്ന കല്യാണത്തിന് സ്വര്‍ണവും വാങ്ങി ഇറങ്ങുമ്പോ സാനിറ്റൈസര്‍ കൊണ്ടു കൈ ശുദ്ധീകരിക്കാന്‍ മറക്കേണ്ട. പൊന്നിനും പണത്തിനും ആട്ടിന്‍ കാട്ടത്തിന്റെ വില പോലും ഇല്ല എന്നു പലപ്പോഴായി കാണിച്ചു തന്നിട്ടും നമ്മള്‍ പഠിക്കില്ല. മൂത്തു പോയാല്‍ തടി വളയാന്‍ പാടാ അല്ലേലും.
വാല്‍കഷ്ണം: പ്രളയ ദുരിതാശ്വാസത്തിന്റെ ഗതി ആവില്ലായിരിക്കും, കൊറോണ സഹായത്തിനു എന്നു പ്രത്യാശ പ്രകടിപ്പിച്ച സുഹൃത്തിനോട് കൊറോണ പറഞ്ഞു അത്രേ... എനിക്ക് ചെറിയവനെന്നോ വെല്ലിയവനെന്നോ ഇല്ലന്ന്.
Social Plugin